Профессионал бокснинг ўта оғир вазн (+90,7 кг) тоифасида рингга чиқаётган ўзбекистонлик Баҳодир Жалолов (4 та жанг, 4 та ғалаб) АҚШда ўзининг бешинчи жангини ўтказади. Бу ҳақда GoSport хабар беради.
Маълумотларга кўра, Жалолов жорий йилнинг 15 март куни Калифорния штатининг Тюстин шаҳридаги Маркони автомобиллар музейи саройида бўлиб ўтадиган бокс кечасида иштирок этади. Ҳозирча унинг рақиби ким бўлиши маълум эмас. Тез орада бўлажак рақиб борасида маълумот берилади.
Маълумот учун, Баҳодир Жалолов 2018 йилдан буён профессионал боксда фаолиятини давом эттирмоқда. «Мир бокса« промоутерлик компанияси билан шартномага эга спортчи сўнгги марта 2018 йилнинг 8 декабрь куни Маркус Валентинга қарши рингга чиқиб, рақибини биринчи раунддаёқ нокаутга учратганди.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
