Суриялик журналист Хмеймим авиабазасида ноодатий жанговар машинани суратга туширди, деб ёзади «Вести.ru». Уни Сурия раҳбари Башар Асадга унинг Россия ҳарбий объектига ташрифи чоғида намойиш қилишди.
Бир қарашда президентга Т-72 танки базасига қурилган «Терминатор-2» танкларни қўллаб-қувватловчи жанговар машинани кўрсатишган. Уни танкка қарши ракеталар жойлашувига қараб осонгина таниб олиш мумкин: улар махсус қопламаларга ўрнатилган.
Аммо корпус аввалги версиядаги «Терминатор»га тегишли, у Т-90 асосида яратилган.
Демак, Башар Асад иккита «Терминатор»нинг қандайдир гибридини кўрган, деб ёзади нашр. Бунгача танкларни қўллаб-қувватловчи жанговар машинанинг бундай версияси ҳақида ҳеч нарса маълум бўлмаган.
