Туркия президенти Ражаб Тоййиб Эрдўғон Европа эндиликда демократия ва инсон ҳуқуқлари маркази ҳисобланмаслигини, миллатчилик ва зулм марказига айланганлигини қайд этди. Бу ҳақда «Газета.ru» хабар бермоқда.
«Европа ушбу вақтга етиб келди. У билан ҳаммаси тугади, у чириди. Бугунги Европа демократия, инсон ҳуқуқлари ва эркинлик маркази эмас, аксинча, зулм, зўравонлик ва миллатчилик марказидир», — деди Туркия етакчиси.
Эрдўғон Европани «чириётган минтақа» деб атаб, бу ерда «миллатчи партиялар Европа етакчилари ва ҳукуматларини қўлида ўйнатиши»ни таъкидлади.
«Европанинг Туркияга ҳам, жаҳон ҳамжамиятига ҳам айтадиган гапи қолмади», — деди Туркия президенти.
«Дарё»нинг Telegram’даги расмий канали — @toshqindaryo’га аъзо бўлинг!
