ОПЕКнинг унга аъзо бўлмаган давлатлар билан нефть қазиб олиш ҳажмини камайтириш бўйича музокаралари арафасида нефть котировкалари кўтарилиб бормоқда. Бу ҳақда «Ведомости» хабар бермоқда.
Лондоннинг ICE Futures биржасида 9 декабрь, жума куни Тошкент вақти билан 11:18 да февралда етказиб бериладиган Brent туридаги нефтнинг бир баррели 54,07 доллар атрофида савдо қилинди. Шу пайтнинг ўзида Нью-Йорк товар биржасида январда етказиладиган WTI нефти бир баррели нархи 51,18 долларни ташкил этди.
Венада 10 декабрь, шанба куни бўлиб ўтадиган музокараларга 14 мамлакат таклиф этилган. Австрия пойтахтига Россия, Озарбайжон, Қозоғистон, Мексика ва Уммон вакиллари келиши аниқ бўлди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
