13 октябрь куни Samsung Electronics компанияси Жанубий Кореяда Galaxy Note 7 смартфонлари учун товон пули тўлаш ва уларни бошқа моделларга алмаштириб беришни бошлади, дея хабар бермоқда TJournal.
Смартфон эгалари уни дўконларга топшириши мумкин, агар уни бошқа моделга алмаштирса, 30 минг вонлик (тахминан 27 доллар) чегирма купонини қўлга киритади.
Эслатиб ўтамиз, ОАВларда алмаштириб берилган Galaxy Note 7 смартфонлари ҳам ёниб кетаётгани ҳақида хабарлар пайдо бўлгач, Samsung ушбу қурилмани ишлаб чиқаришни тўхтатди. Кейинроқ Galaxy Note 7 смартфонлари эгаларига махсус оловга чидамли қутилар етказиб берила бошлагани маълум қилинди.
