Олимпиада чемпиони Ҳасанбой Дўстматов: Бу онларни 30 миллионли халқ кутган эди

Рио—2016 Олимпиадасида Ўзбекистон учун илк олтин медални қўлга киритган боксчи Ҳасанбой Дўстматов мамлакат халқи мазкур чемпионликни кутганини айтиб ўтди. Бу ҳақда у Халқаро бокс ассоциацияси (AIBA)нинг расмий сайтига берган интервьюсида айтиб ўтди.

«Ҳозирги ҳиссиётларимни сўз билан ифодалаш қийин, бироқ мен бениҳоя бахтиёрман», — деди Ҳасанбой Дўстматов чемпионлик жангидан сўнг берган илк интервьюсида.

• Ҳасанбой Дўстматов Рио—2016 олтин медалларига эга чиқди. Ўзбекистон учун биринчи олтин муборак бўлсин!

«Аввало, ўз Ватанимга меҳр-муҳаббатимни изҳор қилмоқчиман, чунки, ярим тун бўлишига қарамай, мени оилам, Президент ва бутун мамлакат кузатиб турганини биламан. 30 миллионли халқ бу онларни кутган эди», — деди Дўстматов.

• Рио–2016 Олимпиадасида Ўзбекистонга олтин медални олиб келган Ҳасанбой Дўстматовнинг финал жангидан фоторепортаж

«Оилам мен учун хурсанд бўлади, чемпионликдан сўнг жуда ҳаяжондаман. Мазкур Олимпия ўйинлари учун Риога миннатдорчилик билдираман», — дея қўшимча қилди Ҳасанбой Дўстматов.

• «Ҳасанбойнинг ғалабасидан сўнг бутун маҳалла кўчада». Олимпиада чемпиони Дўстматовнинг хонадонидан 15 августга ўтар кечаси тайёрланган фоторепортаж

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.