Республикачилар партиясидан АҚШ президентлигига номзоди кўрсатилишига ҳаракат қилиб келган нейрохирург Бен Карсон сайловолди пойгасидан чиқишини маълум қилди. Бу ҳақда «ТАСС» хабар бермоқда.
«Мен президентлик кампаниясини тарк этмоқдаман», — деди у 4 март, жума куни Мэриленд штатидаги консерватив фаоллар сиёсий конференциясида қилган чиқишида.
Унинг сўзларига кўра, бунинг ўрнига АҚШнинг христиан аҳолисини сайловга жалб қилиш билан шуғулланадиган жамоат ташкилотига раҳбарлик қила бошлайди.
«Мени яхши кўрадиган кўп одам бор, лекин улар шунчаки мен учун овоз бермайди», — деди Карсон.
