«Барселона» жамоаси ҳужумчиси Лионель Месси «Реал» етакчиси Криштиану Роналду билан ўзаро рақобати ҳақида фикр билдириб ўтди, деб хабар беради «Sports.ru».
«Ҳар иккимиз профессионал футболчимиз. Ўз жамоамиз шарафини ҳимоя қиламиз ва фақатгина майдонда рақибмиз. Баъзида унинг жамоаси, баъзида эса менинг жамоам ғолиб бўлади. Мен уни ҳурмат қиламан. Миллий терма жамоа билан ютуқларга эришишни истайман. Мени шахсий рекордлар қизиқтирмайди. Албатта, бу яхши кўрсаткичлар, лекин рекордлар соврин олиб келмайди», — дейди аргентиналик футболчи.
