Бугун, 28 август куни Монакода Европа Лигасининг 2015/16 йилги мавсумдаги гуруҳ босқичига қуръа ташланди, деб хабар беради «Arena.uz».

Foto: arena.uz /> Фото: arena.uz

Мусобақа гуруҳ босқичида жами 48 жамоа кураш олиб боради: 22 та плей-офф раунди ғолиби, 10 та ЕЧЛ плей-оффидан ўта олмаган клуб ҳамда 16 та гуруҳ босқичига тўғридан-тўғри йўлланма олган жамоалар. Бир ассоциацияга қарашли клублар, шунингдек, Россия ва Украина жамоалари турлича квартетларга тақсимланган. Қуръага кўра, Ўзбекистон миллий терма жамоаси ярим ҳимоячиси Одил Аҳмедов ҳаракат қиладиган Россиянинг «Краснодар» клуби Дортмунднинг «Боруссия», «ПАОК» ва «Габала» клублари билан бир C гуруҳидан жой эгаллади. Яна бир ўзбекистонлик футболчи Виталий Денисов ўйнайдиган Москванинг «Локомотив» жамоаси эса «Спортинг», «Бешиктош», «Скендербеу» клублари билан H гуруҳида плей-оффга чиқиш учун кураш олиб боради. A гуруҳи: Аякс, Селтик, Фенербахче, Мёльде B гуруҳи: Рубин, Ливерпуль, Бордо, Сьон C гуруҳи: Боруссия Дортмунд, ПАОК, Краснодар, Габала D гуруҳи: Наполи, Брюгге, Легия, Мидтъюлланд E гуруҳи: Вильярреал, Виктория Пльзень, Рапид, Динамо Минск F гуруҳи: Марсель, Брага, Слован Либерец, Гронинген G гуруҳи: Днепр, Лацио, Сент-Этьен, Русенборг H гуруҳи: Спортинг, Бешиктош, Локомотив, Скендербеу I гуруҳи: Базель, Фиорентина, Лех, Белененсеш J гуруҳи: Тоттенхэм, Андерлехт, Монако, Қорабоғ K гуруҳи: Шалке-04, АПОЭЛ, Спарта Прага, Астерас L гуруҳи: Атлетик, АЗ, Аугсбург, Партизан Гуруҳ босқичининг учрашувлари 17 сентябрь, 1 ва 22 октябрь, 5 ва 26 ноябрь ҳамда 10 декабрь кунларида бўлиб ўтиши режалаштирилган.