Италиянинг собиқ бош вазири Сильвио Берлусконига қарашли Fininvest компанияси «Милан» футбол клубининг 48 фоиз акцияси таиландлик тадбиркор Би Течауболга сотилишини эълон қилди, деб хабар бермоқда «Ведомости».
480 миллион еврога тузилган шартнома 30 сентябргача расмийлаштирилиши лозим. Берлускони клуб президенти лавозимини сақлаб қолади ва акцияларнинг катта қисмига эгалик қилишда давом этади. Директорлар кенгашига Берлусконининг етти, Течауболнинг беш кишиси киради.
Маълумот учун, Берлускони 29 йилдан буён «Милан» клубининг президенти ҳисобланади. Аввалроқ, Течаубол келажакда клуб акцияларининг 100 фоизини сотиб олишни режалаштираётганини маълум қилган.
