Мексиканинг Чиуауа штати суди беш эркакни 11 нафар аёлни ўлдирганликда айблаб, 697 йилга озодликдан маҳрум этди, дея хабар бермоқда Reuters.
«Гуруҳ аъзолари ёш аёлларни фоҳишабозлик билан шуғулланиш ва наркотиклар тарқатишга мажбурлаган. Аёлларнинг хизматига эҳтиёж бўлмай қолгач эса, уларни ўлдириб, жасадларини ташлаб юборган», — дейилади штат Бош прокуратураси баёнотида.
Қамоқ жазосидан ташқари, жиноятчилар жасадлари 2012 йилда топилган қурбонларнинг қариндошларига 9 миллион песо (752 минг доллар) тўлаши керак.
