Дунё бўйича очликдан қийналаётганлар сони биринчи марта 800 миллиондан камайди, деб хабар қилади «News.tj».
Озиқ-овқат ва қишлоқ хўжалиги ташкилоти (ФАО) 25 йилдан бери очлик бўйича ҳисоб-китоблар қилади. Ташкилот берган маълумотга кўра, ҳозирда дунёда 795 миллион аҳоли очликдан азият чекмоқда, бу Ер юзидаги ҳар тўққизинчи одам деганидир.
25 йил ичида оч қолаётганлар сони 216 миллион кишига камайди.
«Айни вақтда очлик Африканинг 24 мамлакатида қайд қилинган, бу 1990 йилга қараганда икки баробар кўп»,— дейилади БМТнинг озиқ-овқат хавфсизлигига бағишланган маърузасида.
