Ўзбекистонлик теннисчилар Денис Истомин ва Фаррух Дўстов Профессионал теннисчилар ассоциацияси (АТP) рейтингида юқорилади. Бу ҳақда UzDaily хабар берди.
Ўзбекистоннинг биринчи ракеткаси Денис Истомин АТP янги рейтингида икки поғона юқорилади ва 39-ўринга чиқиб олди. Унинг активидаги очколар 1065 га тенг.
Ўзбекистоннинг иккинчи ракеткаси Фаррух Дўстов эса Канададаги Challenger турнири финалигача етиб боргани шарофати билан янги рейтингда 17 поғонага кўтарилди. У 474 очко билан 127-ўринни банд этиб турибди.
