ФИФА расмий сайтида миллий терма жамоаларнинг апрель ойи рейтинги эълон қилинди. Унга кўра, Ўзбекистон миллий терма жамоаси ўтган ойга нисбатан икки поғона юқорилаб, 53-ўринга чиқиб олди. Айни пайтда Ўзбекистон термаси ҳисобида 577 очко мавжуд. Осиёда эса терма жамоамиз учинчи ўринга кўтарилди.
Дунё рейтингида 38-ўринда турган Эрон Осиё қитъасида ҳамон пешқадамлик қилмоқда. Шунингдек, Осиёда Ўзбекистондан олдинда турган Япония дунё рейтингида 47-ўринни эгаллаган.
Умумий рўйхатни ҳалигача «Қизил фурия» — Испания терма жамоаси бошқариб бормоқда. Ундан сўнг Германия ва Португалия терма жамоалари жой олган.
Рейтингнинг тўлиқ кўриниши билан ФИФА расмий сайтида танишишингиз мумкин.
