Донецк халқ республикасининг Республика кенгаши Россия президенти Владимир Путинга мурожаат этиб, ҳудудга вақтинча тинчлик ўрнатувчи кучларни киритишни сўради. Бу тўғрида «ИТАР-ТАСС» хабар қилмоқда.
Депутатлар мурожаатни бир овоздан қўллаб-қувватладилар, дейилади хабарда.
Илгари Донецк вилоят кенгаши депутатлари Донецк халқ республикасининг давлат мустақиллигини эълон қилган эдилар. Бу ҳақдаги баёнот вилоят кенгашининг йиғилишида ўқиб эшиттирилган эди. «Тан олинган чегаралар доирасидаги ҳудуд бўлинмас ва дахлсиздир», – дея таъкидланади баёнотда.
Шунингдек, депутатлар ҳудуднинг Россия таркибига қўшилиши масаласи бўйича 2014 йил 11 майдан кечиктирмасдан референдум ўтказишга ҳам қарор қилишган. «Бу сана борасида Луганск ва Харьков вилоятлари билан келишилган», – дейди йиғилиш қатнашчиларидан бири.
