Telegram’dagi ma’lumotlarga o‘zbekistonliklarning qanchasi ishonadi? So‘rovnoma o‘tkazildi

Telegram messenjerida o‘zbek foydalanuvchilari bo‘yicha tadqiqot o‘tkazildi. Tadqiqot Insight business tomonidan olib borildi.

Telegram — O‘zbekistondagi eng mashhur platformalardan biri. Turli hisob-kitoblarga ko‘ra, ilovaning O‘zbekistondan 18 milliondan 24 milliongacha foydalanuvchisi bor. Insight business ushbu messenjerda foydalanuvchilarning xatti-harakatlari bo‘yicha kichik tadqiqot o‘tkazdi. Onlayn so‘rovnomaga 6 ming nafar respondent jalb qilingan.

Natijalarga ko‘ra, 54 foiz odam Telegram’dagi ma’lumotlarga ishonishini bildirgan. Foydalanuvchilarning katta qismi ushbu messenjerdan 1-3 soat vaqt foydalanadi. Sal kam 60 foiz odam yangiliklar kanallarini kuzatishini bildirgan. Eng ko‘p foydalanuvchilar Toshkent shahridan. Quyida batafsil tanishishingiz mumkin.