Toshkentda ayol bexosdan mashinalarga quyiladigan 2 litr “antifriz” suyuqligini ichib yubordi, deb xabar berilmoqda “Millar” dasturida.
Unda aytilishicha, poytaxtdagi shifoxonalarning birida mashinaga quyiladigan zaharli “antifriz” suyuqligini ichib yuborgan ayol og‘ir ahvolda olib kelingan. Unga darhol birinchi yordam ko‘rsatilgan.
Shifokor ayolga kichik muolaja o‘tkazilganini bildirdi. Bemor salkam 2 litr “antifriz” suyuqligini ichib yuborgani taʼkidlangan. Hozirda uning ahvoli og‘ir, kerakli mutaxassislar nazorati ostida.
Bunday holatlar o‘zi kamdan kam kuzatiladigan holatlar hisoblanadi. Asosiy xavfli tomoni o‘tkir buyrak yetishmovchiligini keltirib chiqaradi. Agar kerakli yordam vaqtida ko‘rsatilmasa, o‘lim holatiga ham olib kelishi mumkin, deydi shifokor.
Agar inson “antifriz” (etilenglikol yoki propilenglikol asosidagi sovitish suyuqligi) ichib yuborsa, bu juda xavfli bo‘lishi mumkin va og‘ir zaharlanishga olib kelishi ehtimoli yuqori. Etilenglikol asosidagi antifriz ayniqsa zaharli bo‘lib, iste’mol qilinganda quyidagi alomatlarga sabab bo‘lishi mumkin:
1. Boshlang‘ich alomatlar (30 minut-12 soat ichida):
- Mastlikka o‘xshash holat (boshi aylanishi, nutq buzilishi)
- Ko‘ngil aynishi va qusish
- Qattiq chanqash hissi
- Qorinda og‘riq
- Bosh og‘rig‘i
2. Asoratlar (12-24 soat ichida):
- Yurak urishining tezlashishi
- Nafas olish qiyinlashishi
- Qon bosimi pasayishi
- Buyrak faoliyatining yomonlashishi
3. Og‘ir oqibatlar (24-72 soat ichida):
- Buyrak yetishmovchiligi
- Tushuncha yo‘qolishi, koma
- O‘limga olib kelishi mumkin
Agar kimdir tasodifan yoki ataylab “antifriz” ichib yuborgan bo‘lsa:
- Darhol tez yordam chaqirish kerak
- Agar hushyor bo‘lsa, ko‘proq suv ichirish va qusishga harakat qilish mumkin (faqat hushsiz bo‘lmasa).
“Antifriz” hech qachon ichish uchun mo‘ljallanmagan va bolalardan uzoq joyda saqlanishi shart.
Izoh (0)