Корфу оролидаги аэропортдан ҳавога кўтарилган Boeing 757-300 самолётининг двигатели ёниб кетди. Бу ҳақда Philenews хабар берди.
Самолёт бортида 273 йўловчи ва 8 нафар экипаж аъзоси бўлган. Учоқ 16 август куни Корфу (Греция) — Дюссельдорф (Германия) рейсини амалга ошираётган бўлган.
Рейсни Condor Airways авиакомпанияси амалга оширган. Ўнг двигатель тахминан 460 метр баландликда ишдан чиққан. Учувчилар уни ўчиришга ҳаракат қилган, бироқ парвозни битта двигателда давом эттиришга қарор қилган. Самолёт 2,4 километр баландликда ҳаракатланиб, Италиянинг Бриндизи аэропортига фавқулодда қўнган.
Ҳодиса гувоҳлари портлашга ўхшаш овоз ҳақида хабар берган ва воқеани мобил телефонларга ёзиб олган. Қўнишдан сўнг йўловчилар тунни меҳмонхонада ўтказган. Жабрланганлар ҳақида маълумот мавжуд эмас.
Изоҳ (0)