Футбол бўйича Англия Лига Кубоги финал учрашуви доирасидаги “Ливерпуль” — “Ньюкасл” ўртасидаги баҳс 16 март, якшанба куни куни бўлиб ўтди. Лондоннинг “Уэмбли” стадионида кечган беллашувда Арне Слот шогирдлари 1:2 ҳисобида имкониятни бой берди.
Эътиборли томони шундаки, “Ньюкасл Юнайтед” Англияда сўнгги 70 йил ичидаги илк йирик совринини қўлга киритди. Клуб бунгача 1954—55 йилги мавсумда Англия Кубогини ютган эди.
“Қарғалар” охирги бор 2016—17 йилги мавсумда Чемпионшип ғолиблигини қўлга киритган, шунингдек, 2006 йилда Интертото Кубогида ғалаба қозонган эди.
Эдди Ҳоу жамоасининг ўйиндаги голларига Ден Берн ва Александр Исак муаллифлик қилди. “Ливерпуль”нинг ягона киритган тўпи Федерико Кьеза номига ёзилди.
Маълумот учун, “Ньюкасл” айни пайтда Англия чемпионати турнир жадвалида 47 очко билан 6-ўринни эгаллаб турибди. “Ливерпуль” эса 70 очко тўплаган ҳолда 1-ўринни банд этган
Изоҳ (0)