Ўзбекистон Миллий олимпия қўмитасининг Бош ассамблеяси бугун, 25 ноябрь куни бўлиб ўтди. Бу ҳақда Президент матбуот хизмати хабар берди.
Йиғилишда ташкилий масала кўриб чиқилди. Миллий олимпия қўмитаси раиси лавозимига Ўзбекистон президенти Шавкат Мирзиёев номзоди илгари сурилди ва бир овоздан сайланди.
Шунингдек, Бош ассамблея МОҚ раисининг биринчи ўринбосари лавозимига Отабек Умаровни, раис ўринбосари лавозимига Шерзод Ташматовни, қўмита бош котиби лавозимига Ойбек Қосимовни сайлади.
Йиғилишда Бош вазир Абдулла Арипов, Президент администрацияси департаменти раҳбари Одил Абдураҳмонов, спорт вазири Адҳам Икромов, Бош ассамблея аъзолари, шунингдек, федерация ва ассоциацияларнинг масъуллари ҳам қатнашди.
Изоҳ (0)