Ливандаги “Ҳизбуллоҳ” гуруҳи 11 август куни Исроил шимолига ўнлаб ўрта масофали ракеталар учирган. Бу ҳақда CNN нашри Яқин Шарқ манбаларига таяниб, хабар берди.
Манбада айтилишича, ракеталар Ливан жанубидан, чегара олди ҳудудларида учирилган. Тунги ҳужумда ракеталар тартибсиз равишда турли нишонларга учирилган.
“Ҳизбуллоҳ” расмийлари баёнотига кўра, сўнгги ҳужумлар Ғазодаги Фаластин халқини қўллаб-қувватлаш ва Исроилнинг Ливан жанубидаги зарбаларига жавоб тариқасида отилган. Олдинроқ Ливан жанубидаги Маруб шаҳрига Исроил ҳужум уюштириши оқибатида 12 киши, жумладан, 6 нафар бола ҳалок бўлган эди.
Исроил мудофаа кучлари Ливандан 30 га яқин ракета учирилганини тасдиқлаган. Уларнинг айримлари очиқ майдонларга қулаган, биноларга шикаст етиши ва фуқароларга зарар етиши ҳолатлари кузатилмаган.
Тель-Авив ҳарбий раҳбарияти чегара ҳудудларида ҳарбий шайлик ҳолати кучайтирилганини хабар берган. Ҳаво ва қуруқликдан уюштирилган ҳар қандай зарбага нисбатан муносиб жавоб берилиши айтилган.
Мудофаа кучлари ва хавфсизлик тузилмаси Эрон ва “Ҳизбуллоҳ”га эътибор қаратган ҳолда душманларимизни ва Яқин Шарқдаги воқеаларни кузатиб боради ва вазиятни доимий равишда баҳолайди. Қуролли кучлар юқори шайликда жойлаштирилган ва тайёргарликдан ўтмоқда. Агар кўрсатмаларни ўзгартириш зарурати туғилса, биз бу ҳақда расмий каналларда тартибли тарзда хабарда қиламиз, дейилади Исроил мудофаа кучлари матбуот бўлими хабарида.
Исроил раҳбарияти мамлакат шимолига “Ҳизбуллоҳ” ҳужуми такрорланиши мумкинлигини айтган. Ушбу хавф сабаб айрим аҳоли пунктларини фавқулодда вазиятларда кўчириш мумкинлиги ҳақида огоҳлантирилган.
Изоҳ (0)