Хитойда ўликхонадан 4 мингдан ортиқ жасадлар ўғирлаб кетилгани аниқланди

Хитойдаги жиноий гуруҳ аъзолари крематориядан 4 мингдан ортиқ жасадни ўғирлагани аниқланди.
Бу ҳақда South China Morning Post нашри ёзмоқда.

Таиюан шаҳар полицияси жасадларни ўғирлаш ва қайта сотиш бўйича ишни тергов қилмоқда. Хабар қилинишича, Shanxi Aorui Biomaterials компанияси Сичуан ва Шандун провинциялари, шунингдек, Гуанси-Чжуан автоном туманидан мурдалар ва тана қисмларини ноқонуний сотиб олиб, улардан тиш учун трансплантатлар ишлаб чиқаришда фойдаланганликда гумон қилинмоқда.

Компания мазкур тиш трансплантатлари сотувидан 380 миллион юан (тахминан 53 миллион доллар) даромад олгани аниқланган.

Умуман олганда, тергов давомида полиция томонидан 18 тоннадан ортиқ суяклар ва 34 мингдан ортиқ ярим тайёр ва тайёр маҳсулотлар мусодара қилинган. Shanxi Aorui Biomaterials бош директори Юннан, Гуйчжоу ва Сичуан провинциялари ҳамда Чонгсин шаҳридаги крематориялардан 4 мингдан ортиқ одам жасади ўғирланганини тан олди.

Полиция, шунингдек, Шандун провинциясидаги Қингдао университети касалхонаси қошидаги Жигар тадқиқот маркази тегишли компанияга мурдаларни ноқонуний равишда сотгани ҳақидаги хабарларни ҳам текширмоқда.

South China Morning Post нашрининг хабар беришича, иш бўйича тергов давомида 75 нафар гумондор қўлга олинган.