АҚШ ҳарбий қўмондонлиги 5 август куни Нигердаги ҳарбий контингентини тўлиқ эвакуация қилган. Бу ҳақда Al Arabiya нашри хабар берди.
Пентагон АҚШ ҳарбий қисмларининг мамлакатдан тўла олиб чиқилганини тасдиқлаган. Мамлакатнинг Нигердаги базаси тўла демонтаж қилинган.
Бундан бир йил аввал Нигерда давлат тўнтариши юз бериб, ҳарбийлар ҳокимиятни эгаллаган эди. Ҳукмрон хунта мамлакат ҳудудидаги барча хорижий қисмларга мурожаат юбориб тез фурсатда Нигердан чиқиб кетишни сўраган. Бу чақириққа жавобан аввал Европа мамлакатлари, кейин эса АҚШ қисмлари полигонлари ёпила бошланган.
АҚШ узоқ йиллар давомида махсус оператив бўлинмаларни сақлаган Нигердаги 201-ҳаво базаси тўлиқ хунта қўлига ўтган. Америкаликлардан бўшаган тузилмани маҳаллий ҳукумат ўз ҳарбий инфратузилма объектига айлантиришни режалаштирган.
“АҚШ кучлари ва техникаларини Агадесдаги 201-ҳаво базасидан олиб чиқиб кетиш якунланди. Операция тўқнашувларсиз ва хавфсиз ўтди. Ушбу саъй-ҳаракатлар — АҚШ ва Нигерия қуролли кучлари ўртасидаги ҳамкорлик давом этади. Хорижий бўлинмалар чиқиб кетиши ортидан ҳарбий ҳамкорлик кўриниши ўзгаради”, дейилади Нигер расмийлари берган баёнотда.
Хабарга кўра, 5 август куни олиб кетилган АҚШ контингенти 200 нафар аскардан ва кўплаб техникалардан иборат бўлган. Ушбу бўлинмадан экстремистик гуруҳларга қарши кураш олиб боришда фойдаланилган.
Изоҳ (0)