2024 йилда Парижда бўлиб ўтаётган Олимпия ўйинларининг эркаклар ўртасида 100 м масофага югуриш бўйича финал баҳси бўлиб ўтди. Олтин медал тақдирини сониянинг беш мингдан бир қисми ҳал қилди. Олти карра жаҳон чемпиони америкалик югурувчи Ноа Лайлз фаолиятида илк бор Олимпиада чемпионига айланди. У 9,79 кўрсаткични қайд этиб, энг яхши шахсий натижасини қайд этди.
Ямайкалик спортчи Кишане Томпсон кумуш медални қўлга киритди. У ҳам худди шундай натижани кўрсатди — 9,79. Фотофиниш якунда сониянинг беш мингдан бир қисмида Лайлзнинг устунлигини қайд этди.
Аввалроқ, сен-Люсиялик Жулиэн Альфред кутилмаганда аёллар ўртасида 100 м масофага 10,72 балл билан Олимпиада чемпионига айланганди. Мусобақанинг асосий фаворити ҳисобланган америкалик ШаъКарри Ричардсон кумуш медални қўлга киритди.
Америкалик Фред Керли 9,81 балл билан бронза медалига сазовор бўлди.
2020 йилги Олимпия чемпиони Ламонт Марсель Жейкобс 9,85 натижа билан бешинчи ўринни эгаллади.
Лайлзнинг олтин медали АҚШ терма жамоасининг 2024 йилги Париж Олимпиадасидаги 19-олтин медали бўлди. Унинг ғалабаси эвазига АҚШ медаллар жадвалида Хитой терма жамоасини ортда қолдириб, биринчи ўринга кўтарилди.
Томпсон Ямайкага Олимпиададаги учинчи медални тақдим этди.
Изоҳ (0)