Тошкент вилоятида артизан қудуқларини қазиш учун ажратилган кредит маблағларини ўзлаштирган шахслар аниқланди, деб хабар беради Бош прокуратура ҳузуридаги департамент.
Қайд этилишича, департаментнинг Оҳангарон туман бўлими томонидан терговга қадар текширув ўтказилган. Текширувда “О.Д.” фермер хўжалиги раҳбари С.У. ва “Э.Б.” МЧЖ масъул шахслари ўзаро тил бириктириб, тижорат банки филиалидан ажратилган 600 миллион сўм кредит маблағини пудратчи “Э.Б.” МЧЖга артизан қудуқларини қазиш учун ўтказишга эришиб, амалда 1 дона артизан қудуғини қазиш ишларини қисман бажаргани аниқланган. Улар кредит маблағларини пудратчининг ҳисоб-рақамидан нақдлаштириб олиб, талон-торож қилган.
Мазкур ҳолатлар юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Аввалроқ Ўзбекистонда иш ҳақи ва нафақа пулларининг 3,7 млрд сўми талон-торож қилингани аниқлангани, Сирдарёда боғча реконструкцияси учун ажратилган имтиёзли кредитнинг бир қисми талон-торож қилингани тўғрисида хабар берилганди.
Изоҳ (0)