Жо Байден коронавирусга чалингани маълум бўлди

АҚШ президенти Жо Байден коронавирусга чалинган. Бу ҳақда Reuters нашри Оқ Уй берган маълумотга асосланиб, хабар берди.

Манбада айтилишича, президентнинг COVID-19 вирусини юқтириб олгани унинг Лас Вегасга ташрифи чоғида маълум бўлган. Президентдан олинган тест намуналари салбий натижа кўрсатган.

Одатдаги режага кўра Байден Лос-Анжелесда сайлов кампанияси олиб бориши керак эди. Бироқ фавқулодда кутилмаган вазият туфайли дастурлар бекор қилинган.

Маълумотларга кўра, Байден ҳозирда касалликнинг енгил аломатларини бошдан кечирмоқда. Барча салбий симптомлар йўқолгач у фаолиятига қайтади.

“У эмланган ва иммунитети кучли. Шунга қарамай ҳозирда енгил аломатларни бошдан кечирмоқда”, деган Оқ Уй матбуот котиби Карин Жан-Пьер.

Манбага кўра, президент саломатлигини тиклаш ва вақтинчалик изоляция қилиш учун Делавер штатига олиб кетилган. Президентни Лос-Анжелесдан олиб кетиш учун Air Force One авиакомпаниясининг махсус самолёти жалб қилинган.

Журналистлар билан сўнгги учрашувда Байден аҳволи жуда яхши эканини, COVID билан касаллангани сайлов кампаниясига дахл қилмаслигини айтган. Аммо Делаверга учадиган самолётга чиқишга уринган президентнинг хатти-ҳаракатларида чарчоқ, ноаниқлик кузатилган.

Мутахассислар Байден эмланган бўлишига қарамай, касаллик унда оғир ўтиши мумкинлигини билдирган. Чунки президент аллақачон 81 ёшда ва саломатлиги қониқарсиз аҳволда.