Нидерландиянинг “Витесс” жамоаси лицензиясидан маҳрум бўлди.
Бу ҳақида клуб душанба куни огоҳлантирилган.
Қайд этилишича, банк ҳисоби, бухгалтер-аудиторнинг йўқлиги ва бюджет балансини таъминлай олмаслик “Витесс”нинг 2024/25 йилги мавсум учун лицензиясини узайтиришига имкон қолдирмаган. Бусиз клуб Нидерландия профессионал лигаси турнирларида иштирок эта олмайди.
Клуб қарор устидан шикоят қилиш учун беш иш куни вақти бор.
Аввалроқ Нидерландия қироллик футбол иттифоқи клуб акцияларини россиялик хўжайин Валерий Оифдан лицензияни йўқотмаслик учун Vitesse voor Altijd фондига ўтказишни маъқуллагани айтилганди. “Витесс” бунга рози эди, бироқ клубнинг энг йирик кредитори Коли Перри билан келишувга эришиб бўлмаган.
Ўтган мавсум якунларига кўра лицензия талабларини бузгани учун 18 очкодан маҳрум бўлган “Витесс” сўнгги ўринни эгаллаб, Эредевизидан тушиб кетганди.
Изоҳ (0)