Футбол бўйича Европа Чемпионатининг D гуруҳида Нидерландия ва Франция терма жамоалари 21 июнь, жума куни ўзаро баҳс олиб борди.
Биринчи бўлимда дарвозалар дахлсизлиги сақланиб қолди.
Иккинчи бўлимда ҳам жамоалар хавфли вазиятларни юзага келтирган бўлса-да дарвозалар ишғол этилмади. 68-дақиқада Хави Симонс томонидан урилган гол ўйиндан ташқари ҳолат туфайли бекор қилинди. Учрашувда 0:0 ҳисоби қайд этилди.
Гуруҳнинг бошқа бир ўйинида Австрия Польша устидан ишончли ҳисобда ғалаба қозонди.
2-турдан сўнг D гуруҳи қуйидагича кўриниш олган:
Евро—2024
2-тур
21 июнь, жума
Нидерландия – Франция 0:0
Нидерландия: Вербрюгген, Думфрис, де Врей, ван Дейк, Аке, Фримпонг (Гертрюйда, 73), Схаутен (Вейналдум, 73), Рейндерс, Симонс (Верман, 73), Гакпо, Депай (Вегорст, 79).
Франция: Менян, Кунде, Упамекано, Салиба, Эрнандес, Рабьо, Канте, Тчуамени, Дембеле (Коман, 75), Гризманн, Тюрам (Жиру, 75).
Огоҳлантириш: Схаутен (31).
Изоҳ (0)