Бокс бўйича саккиз вазн тоифасида собиқ жаҳон чемпиони Менни Пакьяо июль ойида кўргазмали жангда иштирок этади.
Ризин махсус қоидалар бўйича ўтказиладиган кўргазмали жангни эълон қилди. 28 июль куни Пакьяо MMA жангчиси Чиҳиру Сузукига қарши рингга кўтарилади.
45 ёшли Пакьяо 2021 йилда WBC камари учун Йорденис Угасга қарши жангда мағлуб бўлганидан сўнг фаолиятини якунлаган эди.
Менни илк бор 1995 йил январь ойида Эдмунд Энтингга қарши профессионал рингда дебютини ўтказган. Ўша жангда Пакьяо ҳакамлар қарорига кўра ғалаба қозонган. Унинг ҳисобида 62 та ғалаба (39 таси нокаут), 8 та мағлубият ва 2 та дуранг мавжуд.
Изоҳ (0)