Украинага ҳарбий ёрдам учун 6,5 миллиард еврога яқин маблағ ажратилиши Венгрия учун номақбулдир. Бу ҳақда Венгрия ТИВ раҳбари Петер Сийярто Брюсселда бўлиб ўтган ЕИ кенгашида айтиб ўтди.
Сийярто, шунингдек, ижтимоий тармоқларда ҳамкасблари томонидан катта босимга дуч келганини ёзган. Будапешт томонидан блокланган суммага Европа тинчлик жамғармасидан (ЙТЖ) ҳар бири 500 миллион евродан иборат учта транш, шунингдек, яқинда ЙТЖ доирасида ташкил этилган Украинага янги ёрдам фондидан 5 миллиард евро киради.
Европа Иттифоқи дипломатияси раҳбари Жосеп Боррелнинг сўзларига кўра, ЕИ Кенгаши 27 май куни Россия Марказий банкининг музлатиб қўйилган активларидан олинган тушумлардан фойдаланиш бўйича ҳуқуқий ҳужжатларни маъқуллаган.
ЕИ давлатлари ғоялар ва тамойиллар бўйича келишиб олган, аммо ҳозир баъзилар мавжуд пул ажратилишига йўл қўймаслик учун вето ҳуқуқидан фойдаланмоқда, — деди манба.
Боррель етакчи давлатлар Украинага ҳарбий ёрдам фондини яратишга март ойида розилик билдиргани, аммо бу ҳали ҳам иш бермаганини қўшимча қилган. У бу масалалар Европа Иттифоқи элчиларининг навбатдаги йиғилишида ҳал этилиши мумкинлигига умид билдирган.
Изоҳ (0)