Норвегия ҳукумати 29 майдан бошлаб сайёҳлик ва бошқа муҳим бўлмаган мақсадларда келган Россия фуқароларига мамлакатга кириш тақиқланишини маълум қилди. Бу ҳақда Reuters хабар берди.
Тақиқ Норвегия туристик визасини олишга муваффақ бўлган Россия фуқароларига ҳам ва бошқа Шенген давлати томонидан берилган визага эга бўлганларга ҳам тегишли.
Ҳукумат Норвегияда яшовчи ота-оналари, турмуш ўртоқлари ёки фарзандларини зиёрат қилиш учун келган, шунингдек, Норвегия ёки бошқа Шенген мамлакатларига ишлаш ёки ўқиш учун саёҳат қилган россияликлар учун истиснолар қилишларини таъкидлаган.
Европа Иттифоқининг бир қатор давлатлари — Финляндия, Эстония, Латвия, Литва, Польша ва Чехия ҳам россияликларга туризм мақсадида ташқи чегара орқали киришни тақиқлаган.
Изоҳ (0)