Мадриднинг “Реал” клуби ярим ҳимоячиси Лука Модрич жамоада яна бир йил қолиш истагини билдирди, деб хабар беради АС.
Жорий мавсумда Модрич 38 та ўйин ўтказиб, 2 та гол урди ва 6 та голли узатмани амалга оширди.
Модрич 2012 йилнинг августида “Тоттенҳэм”дан “Реал”га ўтган эди. Трансфер суммаси 35 миллион еврони ташкил қилган футболчининг клуб билан шартномаси 2024 йилнинг ёзига қадар тузилган. Transfermarkt 38 ёшли футболчини 8 миллион еврога баҳоламоқда.
Лука Модрич “Реал” билан 3 марта Испания чемпиони, икки марта Испания кубоги ва беш марта Испания Суперкубогини қўлга киритган. Халқаро майдонда ярим ҳимоячи беш марта Чемпионлар Лигасида, шунингдек, тўрт марта УЕФА Суперкубоги ва тўрт бора клублар ўртасидаги жаҳон чемпионатида ғолиб чиққан.
Изоҳ (0)