“Ишдаги ишқ” фильмининг бош қаҳрамони Алиса Фрейндлих ҳозир қандай кўринишда? (фото)

“Ишдаги ишқ” фильмидаги Людмила Прокофевна ва “Д’Артанян ва уч мушкетёр”даги Франция қироличаси образлари билан мухлислар ёдида қолган совет актрисаси Алиса Фрейндлих 90 ёшга тўлмоқда.

СССР халқ артисти В.Ф. Комиссаржевская номидаги академик драма театри ва Ленсовет театрида хизмат қилган. Унинг Варвара исмли қизи ва Анна ва Никита исмли набиралари бор.

Алиса Бруновнанинг 89 ёшга тўлиши муносабати билан унинг набираси Анна Instagram’да гўзал табриклар билдирди:

“Менинг энг яқин инсоним! Сиз билан ўтган ҳар бир лаҳзани, ҳар бир сўзингиз, ҳаракатингиз ва ифорингизни қунт билан ёдда қолдиришга ҳаракат қиляпман”, — деб ёзди Анна.

Маҳоратли актриса Алиса Фрейндлих кўплаб мукофотлар соҳибаси. У кино ва театр томошабинларининг турли авлодлари вакиллари томонидан танилган ва эътироф этилган. 2018 йилда у “Катта” фильмидаги энг яхши иккинчи пландаги актриса учун “Ника” мукофотига сазовор бўлган. Актриса 89 ёшда бўлишига қарамай, ҳали ҳам театрда ишлаб келмоқда.