Нидерландиялик сейсмолог Франк Ҳугербитснинг сейсмик зоналарида 7-8 магнитудали кучли зилзила бўлиши ҳақидаги прогнози ўзини оқламади. Бу ҳақда иқлимшунос Эркин Абдулаҳатов маълум қилди.
Аввалроқ 11—13 апрель кунлари сайёранинг сейсмик зоналаридан бирида 7-8 магнитудадан юқори кучли зилзила бўлиш хавфи эълон қилинган эди.
11—13 апрель кунлари дунё бўйлаб энг юқори магнитуда зилзила 6 магнитудага ҳам етмади.
Зилзилаларни барвақт огоҳлантириш прогнозлаш усулларидан бири атмосферадаги тебранишлар билан боғлиқ ўзгарувчилар аллақачон сайёрага келаётган 3 кунликда (11—13 апрель) кучли зилзила бўлиш белгиларини кўрсатган эди, — деди иқлимшунос.
Маълумот учун, сейсмолог Франк Ҳугербиnc ва унинг жамоадошлари мазкур усулдан фойдаланиб, 2023 йил Марокаш ва Туркиядаги ҳалокатли зилзилаларни олдиндан прогноз қила олишган эди.
Аввалроқ 3 апрель куни эрталаб Тайванда охирги 25 йил ичида содир бўлган энг кучли зилзила оролни ларзага келтирди. Хуалян округида маҳаллий вақт билан 07:58 да 7,2 магнитудали ерости силкинишлари сезилган.
Сейсмологларнинг маълумотларига кўра, зилзила эпитцентри оролнинг шарқий қирғоғида, Хуалян шаҳридан 25 км жануби-шарқда бўлиб, 15,5 км чуқурликда жойлашган.
Зилзила Хитойнинг шарқий соҳилидаги Фуцзян ва Сзянси провинцияларида ҳам кучли сезилган.
Изоҳ (0)