Тошкент вилояти Чирчиқ шаҳрида тадбиркорга лаборатория хулосаси ва сертификат расмийлаштириб беришни ваъда қилган шахс қўлга олинди, деб хабар беради Бош прокуратура ҳузуридаги департамент.
Қайд этилишича, департаментнинг Чирчиқ шаҳар бўлими томонидан ДХХ ходимлари билан ҳамкорликда тадбиркорлик субъектларининг ҳуқуқларини ҳимоя қилиш юзасидан тезкор тадбир ўтказилган. Тадбирда “У.” МЧЖ мутахассиси А.А. “C.Б.” МЧЖ раҳбари Ш.Ш.нинг ишончига кириб, гўёки юқори лавозимда ишловчи танишлари ёрдамида ушбу корхонага бетон ишлаб чиқариш заводи учун лаборатория хулосаси ва сертификат расмийлаштириб олиб бериши эвазига 3,8 минг долларни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Февраль охирларида Сурхондарё вилоятининг Сариосиё туманида субсидия асосида артизан сувини қазиб чиқаришга рухсат олиб беришни ваъда қилган шахс ушланганди.
Изоҳ (0)