МИБ Жиззах вилояти бошқармаси ва унинг ҳудудий бўлимлари иш юритувидаги тижорат банклари фойдасига ундирувлар билан боғлиқ 536 млрд сўмлик 10 мингдан ортиқ ижро ҳужжатларидан 3,4 мингдан ортиғини ижроси тамомланиб, 165 млрд сўм қарздорлик ундирилган. Бу ҳақда Бош прокуратура матбуот хизмати хабар берди.
Маълум қилинишича, ижро ҳужжатлари юзасидан жами 247 та 142,8 млрд сўмлик мол-мулк хатланиб, 132 та 91,7 млрд сўмлик мол-мулк онлайн аукцион савдоларига чиқарилган.
Қарздорлардан тижорат банклар фойдасига кредит қарздорлигини ундириш билан боғлиқ жами 4 186 нафар қарздорнинг 92 млрд сўмлик қарздорликларини қоплаш мақсадида иш ҳақи даромадлари ҳақида маълумотлар аниқланиб, қарздорликларни ундириш иш ҳақларига қаратилган.
Жумладан, фуқаролик ишлари бўйича Фориш тумани судининг қарздор “Умму Ҳадича701” МЧЖ ҳисобидан ундирувчи АТ “Алоқабанк” Жиззах филиали фойдасига 5,4 млрд сўм кредит қарздорлигини ундириш тўғрисидаги ижро ҳужжати юзасидан олиб борилган мажбурий ижро ҳаракатлари натижасида қарздорлик тўлиқ ундирилган.
Изоҳ (0)