Ўзбекистон маҳсулотлари экспорти нисбатан қиммат бозорларга йўналтирилиши таъкидланди.
Бу ҳақда АОКАда ўтказилган брифингда Ўсимликлар карантини ва ҳимояси агентлиги ахборот хизмати раҳбари Сабина Садинова маълум қилди. Айтилишича, 2024 йилда қишлоқ хўжалиги маҳсулотлари экспорти 3,5 миллиард долларга етказилади. Шундан мева-сабзавот 2,5 миллиард долларга ва бошқа озиқ-овқат маҳсулот экспортини 1 миллиард долларга етказиш мақсад қилинган.
Бунда мева экспортини 45 фоизга, сабзавотни — 50 фоизга, полиз экинлари экспортини — 36 фоизга, узумни — 2,2 баробарга ва дуккакли маҳсулотлар экспортини 32 фоизга кўпайтириш учун чоралар кўрилмоқда. Шунингдек, маҳсулотлар экспорт ҳажмлари нисбатан қиммат бозорларга йўналтирилади.
Маълумот учун, 80 та давлатга қишлоқ хўжалиги маҳсулотлари экспорти учун 620 та фитосанитар рухсатлар олинган. 2023 йилнинг ўзида 12 та давлатга 23 турдаги маҳсулот экспортига фитосанитар рухсатлар олинди. Агентлик томонидан бу йўналишдаги ишлар ҳам давом эттирилади.
Изоҳ (0)