Дунёдаги энг йирик Walmart савдо дўконига эгалик қилувчи Уолтон сулоласи Forbes журналининг АҚШдаги энг бадавлат оилалар рейтингида биринчи ўринни эгаллади. 1 миллиард доллар аввалгидек эришиб бўлмайдиган бойлик эмаслиги сабабли, Forbes 10 миллиард доллардан ортиқ қийматга эга АҚШ кланларининг рейтингини тузди. Баъзи машҳур оилалар, жумладан, Кеннедилар ва Геттилар, мазкур рўйхатга киритилмади.
Форбес маълумотларига кўра, Уолтонлар оиласининг бойлиги 267 миллиард долларга баҳоланган. Сўнгги ўн йил ичида сулола вакиллари Walmart нинг қарийб 22 миллиард долларлик акцияларини сотишган, шунингдек, 11 миллиард доллар хайрия қилишган. Шунга қарамай, улардан етти нафари ҳанузгача чакана гигант акцияларининг 45 фоизига эгалик қилади. Еттита спорт клуби (жумладан, Лос-Анжелес Рамс ва Арсенал) ҳам оиланинг бойлигига ҳисса қўшади.
Рейтингда иккинчи ўринни 117 миллиард доллар бойлик билан Марс оиласи эгаллади. Сулола Виржиния штатининг Маклин шаҳрида жойлашган дунёдаги энг йирик қандолатчилик компанияси ; Марснинг эгаси ҳисобланади. Компания М&Мс, Сниcкерс, Бенъс Оригинал Race ва Pedigree ит еми каби ўнлаб машҳур брендларга эгалик қилади. Қайд этилишича, 2022 йилда сулоланинг даромади 47 миллиард долларни ташкил қилган.
Кучли учликни Кох сулоласи якунлаб турибди, унинг бойлиги 116 миллиард доллар. Чарльз Кох 1967 йилда отаси Фред вафотидан кейин 125 миллиард долларга баҳоланган (2022 йилда сотилган) Коч Индустриэс конгломератини бошқарди. Чарльз ва унинг акаси Девиднинг беваси Юлия Кох 42 фоиз акцияларга эгалик қилади.
Шунингдек, рейтингга Каргилл-Макмиллан сулоласи (60,6 миллиард доллар), Жонсон (44,8 миллиард доллар, Фиделитй Investments асосчиси), Pritsker (41,6 миллиард доллар), Жонсон (38,5 миллиард доллар, С. C. Жонсон асосчиси), Кети (33,6 миллиард доллар), Дункан (30 миллиард доллар), Кокс (26,8 миллиард доллар) ва бошқалар киритилган.
Изоҳ (0)