Иқтисодиёт ва молия вазирлиги Тошкент шаҳридаги Food City ва “Чорсу” бозорларидаги 25 турдаги қишлоқ хўжалиги маҳсулотларининг 5 февралдаги улгуржи нархларини эълон қилди.
Ўрганишларга кўра, “Чорсу”да мол ва қўй гўштларининг улгуржи нархлари ўтган йилдан бери ўзгармаган. Жумладан, мол гўштининг килоси 60 000-70 000 сўм, қўй гўшти 65 000-70 000 сўмдан сотилмоқда.
Food City’да картошканинг бир килоси максимум 4 800 сўм (ўтган ҳафта 4 500 сўм бўлган), пиёз 1 500-2 500, сабзи 1 500-5 000 сўмдан сотилмоқда.
Мазкур бозорда Лазер гуручини 22 000-24 000 сўм оралиғида, нўхат 6 500-35 000 сўмдан, қизил ловия 16 000 сўм, мошни 11 800-12 000 сўмдан харид қилиш мумкин.
Помидорнинг энг юқори нархи ўтган ҳафтадагидан 6 000 сўмга қимматлашиб, килоси 31 сўмни ташкил этди. Бодринг нархи эса 1 ҳафта давомида 5 000 сўмга арзонлашиб, максимум 30 000 сўмдан сотилмоқда.
Мевалардан банан нархи ўтган душанбадаги 25 000 сўмдан (максимум) 20 000 сўмга тушган. Анорнинг юқори нархи эса 45 000 сўмдан 40 000 сўмга тушган. Бир ҳафта давомида узум килоси ҳам 75 000 сўмдан 70 000 сўмга пасайган.
Изоҳ (0)