Россия президенти Владимир Путин ўзининг қандай тарбиялангани ҳақида гапирди. Бу ҳақда “РИА Новости” хабар берди.
“Оиламга келсак, қандай улғайганим... Ғалати бўлмасин, улар менга ҳеч қандай маслаҳат ва кўрсатма беришмаган. Аммо, Макаренко айтганидек, энг яхши таълим шахсий намунадир”, — деди Кремль раҳбари.
Путин отаси унга ўрнак бўлганини, масъулият ҳиссини уйғотганини ва ҳеч қачон унинг олдида ёмон одатларни кўрсатмаганини айтди.
“Биринчидан, шуни таъкидламоқчиманки, ҳеч қачон отамнинг мастлигини кўрмаганман. Умуман олганда, бундай бўлмаган. Мен онам ҳақида гапирмаяпман. Ундан бирон марта ҳам сўкиш эшитмаганман, умуман”, — эслади у.
Бундан ташқари, Путин отасининг кундалик масалаларга “масъулият билан ёндашгани”, эрталаб соат 6 да ишга кетгани ва ҳамма нарсани ўз вақтида бажарганини айтди.
“Яхшилик, севги, бир-биримизга меҳрибон муносабат, қўллаб-қувватлаш — барчаси биз яшаётган, ҳеч бўлмаганда мен яшаган муҳит. Айнан шу нарса тарбиялайди, келажакдаги тўлақонли шахснинг маънавий пойдеворини қўяди”, — дея хулоса қилди у.
Изоҳ (0)