Россия президенти Владимир Путин 11 январда қачондир Курил оролларига ташриф буюришга ваъда берди. Россия президенти ҳеч қачон Курил оролларида бўлмаганини айтди.
Шундан сўнг Япония вазиятни кузатиб боришини ва керак бўлса, жавоб қайтаришини маълум қилди. Бу ҳақда Япония Вазирлар маҳкамаси бош котиби Ёсимаса Хаяси маълум қилди.
“Россия ҳукумати вакилларининг ҳар бир баёнотига изоҳ беришдан тийиламан. Бироқ ҳукумат вазиятни кузатиб боради ва шунга яраша жавоб қайтаради”, — деди у.
Хаяси Япониянинг Россияга нисбатан позициясини такрорлаб, Токио Москвага қарши санкцияларни сақлаб қолишини ва Киевни қўллаб-қувватлашда давом этишини айтди.
Курил ороллари Россия ва Япония ўртасидаги баҳсли мавзу. Иккала давлат ҳам мазкур ҳудудга даъво қилади. Иккинчи жаҳон урушидан кейин Москва ва Токио тинчлик битимини ишлаб чиқиш бўйича музокаралар олиб борди. Бунга асосий тўсиқ Курил оролларининг жанубий қисмига бўлган ҳуқуқ бўйича келишмовчиликлар сабаб бўлмоқда.
Изоҳ (0)