Қозоғистонда Миллий жамғарманинг ўртача инвестиция даромадидан болаларга тўловлар бериш бошланди. Бу ҳақда “MIR 24” хабар берди.
Ҳар йили Қозоғистон нефть даромадларининг 50 фоизи вояга етмаганларнинг ҳисоб рақамига тушади. Маблағлар 18 ёшга тўлгандан кейин уй-жой сотиб олиш ва таълим учун ишлатилиши мумкин. Бу ташаббус мамлакат президенти Қосим-Жўмарт Тўқаев томонидан илгари сурилган. Ҳар бир ёш қозоғистонлик мамлакат миллий даромадидан фойдаланиши керак. 18 ёшгача бўлган бола учун режалаштирилган жамғарма миқдори тахминан 3,5 минг АҚШ долларини ташкил қилиши мумкин.
16 декабрь куни Қозоғистон президенти Миллий жамғармадан болаларга пул ўтказишни назарда тутувчи қонунни имзолади. Туғилгандан бошлаб дастурда иштирок этаётган ҳар бир бола 150-160 АҚШ доллари миқдоридаги 18 йиллик тўловни олиши кутилмоқда.
Пул 2024 йил 1 февралдан бошлаб ҳисоб рақамларига туша бошлайди. 1 февралдан кейин 18 ёшга тўлган болалар пул ечиб олиш учун электрон платформа орқали мурожаат қилиш ҳуқуқига эга. Улар бир йил давомида тўловларни олишлари мумкин бўлади.
Изоҳ (0)