Украина Қуролли кучлари қишда рус ҳарбийларига қарши қақшатқиш уруш олиб боришни режалаштирган. Бу ҳақда Associated Press хабар берди.
Хабарга кўра, қўшинларнинг муваффақият эришишига бюрократия тўсқинлик қилмоқда. Украина армияси баъзи ҳудудларни қисман русларга беришга мажбур бўлиши мумкин, аммо рус ҳарбийлари бундай “ютуқлар” натижасида катта йўқотишларга дуч келади. Запорожье йўналишидаги жангларда қатнашган Украина Қуролли кучлари ҳарбийси Константин Денисов дрон операторларини тайёрлашдаги кечикишлар ҳақида гапирди. Хусусан, у давлат идоралари зарур ҳужжатларни расмийлаштириши учун 75 нафар ҳарбий 7 ой кутишига тўғри келганини маълум қилди.
“Биз вақтимизни беҳуда ўтказдик”, — дейди ҳарбий.
Ҳарбий қисмлар командирлари ҳам худди шундай позицияда, жанговар топшириқларни бажариш кадрлар етишмаслиги ва дронларни таъмирлашдаги кечикишлар туфайли тўхтаб қолмоқда.
Украина Қуролли кучларида қиш учун “режа” бор
Мудофаа вазири Рустем Умеровнинг айтишича, Украина жанговар ҳаракатларнинг кейинги босқичига ўтиш учун етарлича қўшин ва қуролга эга.
“Биз қодирмиз ва халқимизни ҳимоя қила оламиз ва буни амалга оширамиз... Бизнинг режамиз бор ва унга эргашамиз”, — деди мудофаа вазири.
Украина Қуролли кучлари, шунингдек, қиш учун “режа” аллақачон шакллантирилганини айтди. Бахмут йўналишида жанг қилаётган пиёдалар бригадаларидан бирининг қўмондони ҳозир асосийси армияни бой бермаслик эканини билдирди. Украиналикларнинг янги мақсади бор — имкон қадар кўпроқ ҳарбийлар ҳаётини сақлаб қолиш.
“Биз аниқ гапиришимиз керак. Бу қишда Донецк ёки Бахмутни озод қилишнинг иложи йўқ, чунки улар (рус ҳарбийлари — таҳр.) жуда кўп”, — деди ҳарбий.
Россия қўшинларини жиддий зарба кутмоқда
Ғарбдаги айрим таҳлилчилар Украина озод қилинган айрим ҳудудларини Россияга бериши мумкинлигини тахмин қилмоқда. Бироқ армия русларни жуда катта товон тўлашга мажбур қилади. Руслар бу ерларни катта йўқотишлар эвазига тортиб олишлари мумкин.
“Агар Россия олдинга силжишда давом эца, эҳтимол, у кичик ҳудудий ютуқларга эришади, лекин катта йўқотишларга дучор бўлади”, — дейди Лондондаги Халқаро стратегик тадқиқотлар институтининг катта илмий ходими Бен Барри.
Изоҳ (0)