Тошкент вилоятининг Чирчиқ шаҳридаги кўп қаватли уйлар марказлашган иссиқлик тизимига уланиб, “отопление” ёқилгани сабаб хонадонларни сув босгани хабар берилганди. Шаҳар ҳокимлигининг расмий муносабат билдиришича, муаммони ўрганиш учун шаҳар ҳокими, прокурори ва депутат сув босгани айтилган хонадонларга борган.
Шуни маълум қиламизки, Чирчиқ шаҳри ҳокими Даврон Ҳидоятов, шаҳар прокурори ва Халқ депутатлари шаҳар кенгаши депутати Жаҳонгир Тўлагановлар ушбу мурожаатни жойига чиқиб ўрганди. Хонадонларнинг тепа қаватларида жўмрак очилиб қолгани сабабли сув ўтган. Барча сув ўтган жойлари таъмирланиб берилади, — дейилади ҳокимликнинг бу ҳақдаги мурожаатга жавобида.
Видеотасвирлардан маълум бўлишича, депутат билан суҳбатлашган қурувчи иссиқлик тизимига уланган хонадонларнинг биридаги труба жўмраги очиқ қолганини, иссиқ сув ёқилган пайтда шу жўмракдан сув оқиб, хонадонларни сув босганини билдирган.
Ўн уч квадрат жой экан (сувдан зарарланган ҳудуд) мен 30 квадрат жойни, хонани юз фоиз таъмирлаб бердим, — дейди қурувчи эканини айтган суҳбатдош.
Видео давомида сувдан зарарланган яна бир хонадон қурувчи томонидан таъмирлаб берилгани айтилади.
Изоҳ (0)