Шавкат Мирзиёевнинг Пекин шаҳрига ташрифи якунланди, деб хабар бермоқда Президент матбуот хизмати.
Ташриф чоғида давлат раҳбари Хитой раиси Си Цзиньпин ва Вьетнам президенти Во Ван Тхионг билан музокаралар ўтказди. Хитой Халқ сиёсий маслаҳат кенгаши раиси, ушбу мамлакатнинг етакчи Аmeri International, CAMCE, China Energy, State Grid корпорациялари раҳбарлари билан учрашувлар бўлиб ўтди.
Ўзбекистон президенти рафиқаси билан бирга “Бир макон, бир йўл” учинчи халқаро форуми иштирокчиларини тантанали кутиб олиш маросимида иштирок этди. Юбилей форумнинг очилишида қатнашиб, давлат раҳбари “яшил” тараққиёт масалаларига бағишланган ялпи сессиясида нутқ сўзлади, Хитой ҳамда “Макон ва йўл” ташаббусининг бошқа иштирокчилари билан ўзаро манфаатли ҳамкорликни янада мустаҳкамлаш бўйича фикрлари билан ўртоқлашди.
Ташриф доирасидаги тадбирлар якунлангач, президент Тошкентга жўнаб кетди. Шоуду халқаро аэропортида олий мартабали меҳмонларни ХХР фавқулодда вазиятлар вазири Ван Сянси ва бошқа расмий шахслар кузатиб қўйди.
Изоҳ (0)