Украинага берилган қуроллар Исроилда фаол қўлланилмоқда, кейин эса барча қайноқ нуқталарда назоратсиз қўлланилиши мумкин, деб ёзди Россия Хавфсизлик кенгаши раиси ўринбосари Дмитрий Медведев ўзининг Telegram каналида.
“Хўш НАТОдаги ўртоқлар, мақсадингизга етдингизми? Украинадаги неонацистлар режимига берилган қуроллар Исроилда фаол қўлланилмоқда. Кейин улар Афғонистонда қочоқ америкаликлар қолдирган қуроллар каби барча қайноқ нуқталарда назоратсиз қўлланилади”, — дейилади Медведевнинг Telegram каналида.
“Ахир авваллари коррупциялашган Украина расмийлари қўлларида бўлган ҳамма нарсани сотишарди. Улар газ ва нефть, озиқ-овқат, материалларни ўғирлашди. Вақт ўтган сари вазият баттар ёмонлашади. Тез орада ‘қора бозор’да Киевдан келтирилган ракеталар, танклар ва самолётларни кутинг”, — дея қўшимча қилди россиялик сиёсатчи.
Изоҳ (0)