Тошкентда 27-сентябр куни Марказий ва Жанубий Осиё давлатлари бош штаб бошлиқлари конференцияси бўлиб ўтди, деб хабар бермоқда Мудофаа вазирлиги матбуот хизмати.
Маълум қилинишича, унда АҚШ, Покистон, Туркманистон, Қозоғистон, Қирғизистон, Тожикистон ва Ўзбекистон Мудофаа вазирликлари делегациялари иштирок этди.
Тадбир аввалида ҳарбий делегациялар вакиллари “Ғалаба боғи” ёдгорлик мажмуасидаги “Матонат мадҳияси” монументи пойига гулчамбарлар қўйиб, “Шон-шараф” музейини кўздан кечирди. Шундан сўнг “Ўзбекистон” халқаро форумлар саройида ўз давлат байроқлари олдида суратга тушди.
Конференцияни Ўзбекистон мудофаа вазири генерал-лейтенант Баҳодир Қурбонов ҳамда АҚШ Қуролли кучлари Марказий қўмондонлиги қўмондони генерал Майкл Курилла кириш сўзлари билан очиб берди.
Конференция доирасида минтақавий хавфсизлик, терроризмга қарши кураш, гуманитар ёрдам ва минтақавий барқарорлик каби масалалар кўриб чиқилди.
Изоҳ (0)