Ўзбекистон Марказий банки ўлчовли олтин қуймалари ва қимматбаҳо металлардан ясалган эсдалик тангалари савдоси тўғрисидаги маълумотларни эълон қилди.
Қайд этилишича, 2021–2023 йилларда Марказий банк томонидан 5 хил мавзуга бағишланган жами 3550 тиражда олтин (умумий вазни – 72 килограмм, тангалар вазни – 15, 20, 31,1 грамм) ва 3900 тиражда кумушда (умумий вазни – 121 килограмм, тангалар вазни – 31,1 грамм) тайёрланган эсдалик тангалари сотувга чиқарилган.
Аҳоли томонидан нумизматика, коллекциялаш, инвестиция ҳамда жамғариш мақсадида сотув шохобчалари орқали 2951 дона (83 фоиз) олтин ва 3864 дона (99 фоиз) кумушдан тайёрланган эсдалик тангалари сотиб олинган.
Ўтган давр мобайнида аҳолига инвестиция ва жамғариш мақсадларида сотув шохобчалари орқали 13 130 дона (умумий вазни – 255 килограмм) ўлчовли олтин қуймалари сотилган.
Ҳудудлар кесимида ўлчовли олтин қуймаларни сотиш бўйича Тошкент шаҳрида ташкил этилган сотув шохобчалари етакчилик қилиб, Тошкент шаҳрида сотилган қуймалар сони 9894 донани (жами муомалага чиқарилган қуймаларнинг 75 фоизи) ташкил этмоқда.
Сотув шохобчалари орқали аҳоли томонидан сотиб олинган ўлчовли олтин қуймалар тўғрисида маълумот
(1 сентябрь ҳолатига):
Эслатиб ўтамиз, Ўзбекистон ўтган январь–апрель ойларида 3 миллиард доллардан ортиқ олтин экспорт қилган. Апрель ойида Ўзбекистон олтин экспортини 650 миллион долларгача қисқартирди. Хорижга қимматбаҳо металл етказиб беришнинг умумий ҳажми 3,06 миллиард долларни ташкил этди.
Изоҳ (0)