Украина Миллий хавфсизлик ва мудофаа кенгаши котиби Алексей Данилов Россиянинг Украинадаги уруш бўйича захира режаси борлигини маълум қилди.
Даниловнинг сўзларига кўра, Россиянинг “Б режаси” Украинада “ички беқарорликни” келтириб чиқаришдан иборат.
“Шуни таъкидлашни истардимки, Россия бизни ҳарбий йўл билан мағлуб эта олмайди. Шунинг учун унинг Б режаси бор. Бу ички беқарорлик орқали мамлакатимизни ларзага келтиришдир. Аммо биз ҳушёр бўламиз ва Россия умид қилаётган воқеаларнинг амалга ошишига йўл қўймаймиз”, — деди у.
Данилов Украина Қуролли кучларининг июнь ойида бошлаган қарши ҳужуми тасдиқланган режа бўйича давом этаётгани ва F-16 қирувчи самолётларининг Украинага топширилиши вазиятга тубдан таъсир кўрсатишини айтди.
Украина ҳарбийлари Мелитопол, Бердянск ва Бахмут йўналишларида ҳужум операциясини давом эттирмоқда.
Ҳозирда Дания Украинага 19 та, Нидерландия эса 42 та қирувчи самолёт бериши маълум бўлди. Норвегия ҳам Украинага қирувчилар ваъда қилган. Португалия украиналик учувчилар ва муҳандисларга F-16 ни бошқариш ва техник хизмат кўрсатишни ўргатади.
Изоҳ (0)