Президент администрациясининг янгиланган таркиби тасдиқланди

Шавкат Мирзиёев Президент администрациясининг янгиланган таркибини тасдиқлади. Бу ҳақда Президент матбуот хизмати хабар берди.

Унга кўра, президентнинг тегишли фармони билан:

• Азиз Магрупов президентнинг ёрдамчиси лавозимига;
• Равшан Гулямов президентнинг иқтисодий ривожланиш масалалари бўйича маслаҳатчиси лавозимига;
• Алишер Султанов президентнинг энергетика хавфсизлиги масалалари бўйича маслаҳатчиси лавозимига;
• Шухрат Ғаниев президентнинг аграр ривожланиш масалалари бўйича маслаҳатчиси лавозимига;
• Ғофуржон Мирзаев президентнинг кадрлар сиёсати масалалари бўйича маслаҳатчиси — президент ҳузуридаги Давлат хизматини ривожлантириш агентлиги директори лавозимига;
• Дониёр Кадиров президентнинг ҳуқуқни муҳофаза қилувчи ва назорат органлари фаолиятини мувофиқлаштириш масалалари бўйича маслаҳатчиси лавозимига;
• Одил Абдурахманов Президент администрацияси Ижтимоий ривожланиш департаментининг раҳбари лавозимига;
• Кахрамон Куранбаев Президент администрацияси Ёшлар сиёсати департаментининг раҳбари лавозимига;
• Алишер Пайгамов Президент администрацияси Ташқи алоқалар департаментининг раҳбари лавозимига;
• Нодир Абдурахимов Президент администрацияси Режалаштириш ва ахборот таъминоти департаментининг раҳбари лавозимига;
• Уткир Кодиров Президент администрацияси Ҳудудлар билан ҳамкорлик қилиш ва таҳлилий материалларни тайёрлаш департаментининг раҳбари лавозимига;
• Улугбек Курбанов президент протоколининг раҳбари лавозимига;
• Саидлазиз Саидкаримов Президент администрацияси Назорат инспекциясининг бошлиғи лавозимига тайинланди.

Ўзбекистонда Президент администрацияси раҳбари лавозими 17 август куни тугатилган эди. Мазкур лавозимда фаолият юритган Сардор Умурзоқов Ўзбекистон президентининг махсус топшириқлар бўйича маслаҳатчиси лавозимига тайинланди. Шу муносабат билан у Президент администрацияси раҳбари лавозимидан озод этилди.

Шунингдек, президент фармойиши билан Суннатулла Бекенов Президент администрацияси раҳбарининг ёрдамчиси лавозимидан, Фурқат Рахимов Президент администрациясининг Ижро этувчи аппарати таҳлилий материалларни тайёрлаш ва администрация бўлинмалари фаолиятини мувофиқлаштириш шўбаси мудири лавозимидан озод этилганди.

Ўзбекистон Президенти администрациясида:

• администрация раҳбарининг ҳудудлардаги ёрдамчилари лавозимлари;
• администрация раҳбарининг ҳудудлардаги ёрдамчилари котибиятлари;
• Президент администрациясининг администрация раҳбарининг ҳудудлардаги ёрдамчилари котибиятлари фаолиятини мувофиқлаштириш шўбаси тугатилган.